KOL「严重脂肪哥二世」《2024年度叱咤乐坛流行榜颁奖典礼》喺元旦日晚已经圆满举行，作为最瞩目及最令乐迷期待嘅乐坛成绩表，当然吸引唔少人关注。男团MIRROR再次成为大赢家，除咗冧庄夺得「我最喜爱的组合」之外，陈卓贤（Ian）独揽4大奖项（「男歌手金奖」、「唱作人金奖」、「至尊唱片大奖」及「至尊唱片监製大奖」）；卢瀚霆（Anson Lo）凭歌曲《Hey Hey OK!》夺得「叱咤十大」第八位；而姜涛则夺「我最喜爱的男歌手」及「我最喜爱的歌曲」。今次嘅赛果继续有人欢喜有人愁，喺网上引起唔少争论，当中包括「努力论」，更引起KOL拍片出PO表示唔同意讲法。KOL「严重脂肪哥二世」喺IG出PO，留言写上：「你可以好欣赏佢好佩服佢，但唔应该接受佢喺个市场度」，并喺短片中讲话：「可唔可以唔好再用嗰啲『好努力、好努力』嚟形容嗰啲难听嘅歌手呀？你努力都难听，咪即係你唔适合喺呢行啰！唔见你同啲医死人嘅医生讲话佢好努力嘅？我DSE 5条4、好努力呀，俾我做医生啦！即係其他行业唔会咁㗎喎，你唔会话一个踢波好废嗰啲人，跟住你话『佢好努力㗎，俾佢继续踢英超啦！』係唱歌呢行先係咁㗎喎，好难听唱歌走晒音，『不过佢好努力㗎啦，俾次机会佢啦！』，係呀然后好听嘅歌畀晒啲好难听、走晒音嘅歌手唱啰，唱得好嗰啲又冇得唱！」呢个PO一出，唔少网民纷纷留言表示认同讲法，例如「好中肯」、「讲中哂我心里嗰句话，练好啲音準，高音要稳，係要练，唔係讲句好努力就过骨」、「我要嘅係实力呀 唔係努力呀」、「认同，近年听到歌手唱live 好稳，就已经被棒到上天，但其实专业歌手应该係咁，我去迪士尼睇啲show 个个都好稳。 好多人写到好歌做到好嘅音乐，但忽略咗表演呢一环。」、「不能同意更多」、「呢个评价超公道, 简直係劣币驱逐良币。 小心被人出征」、「好波 好real」、「一针见血」、「多谢你咁中肯！」、「真係！我寻晚都同朋友讲同一番说话 努力係基本嚟啦！」及「够胆讲真话！欣赏你！」等等。《2024年度叱咤乐坛流行榜颁奖典礼》截图《2024年度叱咤乐坛流行榜颁奖典礼》截图《2024年度叱咤乐坛流行榜颁奖典礼》截图《2024年度叱咤乐坛流行榜颁奖典礼》截图冯允谦严重脂肪哥二世IG影片截图严重脂肪哥二世IG影片截图严重脂肪哥二世IG影片截图严重脂肪哥二世IG影片截图严重脂肪哥二世IG影片截图严重脂肪哥二世IG影片截图严重脂肪哥二世IG影片截图按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看
