周杰伦演唱会明年落户启德体育园周杰伦出年6月喺启德体育园开演唱会，市民疯抢门票。明明体育园主场馆可以容纳5万人，市民唔明白点解主办单位只係卖3.8万张门票。文化体育及旅游局解画，话视乎舞台位置同设计，未必每次都用尽所有座位㗎。每次座位数目都不一样文体旅局喺社交网站提到启德体育园近排好热闹，进行紧唔同嘅测试同试业活动，零售同餐饮地方前日亦已经开幕。精彩活动陆续有嚟，市民已经抢紧出年嘅周杰伦演唱会门票，不过有市民质疑点解主办单位唔用尽场馆座位呢？局方解释其实每个演唱会都好独特，喺舞台设计方面亦创意无限。主办单位有时会用晒成个场馆嘅座位，有时甚至可能会有企位。视乎舞台位置同设计，未必每次用尽所有座位，以提供独特嘅体验。局方举例好似喺红馆开演唱会咁，有时开四面台，有时就开三面台；至于喺亚洲博览馆，有时喺中间搭条「天桥」，好似搞「catwalk」 咁，所以座位数目次次都唔同㗎。原文刊登于 AM730 https://www.am730.com.hk/本地/周杰伦演唱会-启德5万座位只卖3.8万张门票-政府-舞台设计未必用尽座位-ray-online/517787?utm_source=yahoorss&utm_medium=referral其他人也在看
