被床哥暗串游台 Edan冀互相尊重「无谓两边拗」 姜涛出手留言反击「唔係一句讲笑就无事」ViuTV今日（27日）举办《CHILL เก่ง Music Festival》记者会，宣布将于12月20日在启德体艺馆(Kai Tak Arena) 举办汇聚香港与泰国两地歌手的音乐会，同时亦为启德体育园测试活动其中之一。会后Mirror成员吕爵安（Edan）及姜涛回应近日JFFT成员床哥在直播影片中暗串Edan的风波，两人指不想引起一啲不必要嘅纷争，好尊重每一个音乐单位，又指身为公众人物一言一行均需深思熟虑。Mirror出席记者会床哥早前在直播环节中，称叱咤投票时段将与粉丝同行，「唔会去台湾」、「我哋有晒女朋友有家室」、「会落区一齐拉票」等暗串早前承认与林明祯游台的Edan。其后姜涛亦在网上帖文留言「无品」直指床哥不是，Edan指「佢呢个举动係出于想保护我，好多谢姜涛」。他指本身亦有留意JFFT，认为他们甚具特色及风格，「床哥我间唔中都会睇佢一啲片段……印象中我觉得佢好聪明同好有谂法嘅人」，故Edan认为床哥直播时的言论并无恶意，「唔係想伤害（他人）或者特登要咁做，可能都係想开下玩笑，咁当然开玩笑可能会无意中影响到其他人」。他又指床哥言论「或者可能过咗火都可以理解」，最重要是互相尊重，不引起不必要的纷争，「大家都係成年人成熟嘅」。Edan指昨晚亦收到YT的短讯，「就话如果影响到你嘅话唔好意思，佢（YT）都话会同佢（床哥）了解下」。他强调「我呢边就觉得总之大家就互相尊重，唔希望件事去咗一个对立嘅层面，其实大家都係做呢行，都係想带欢乐畀大家，无谓两边喺度拗」。Edan又特别感谢其粉丝「爵屎」，指「工作永远都係我第一位，我唔会畀任何嘢影响到我嘅工作，做任何工作都係100%付出去做」，又指「可能爵屎呢段时间都会觉得辛苦，知道有好多唔同嘅声音，甚至有好多不解，知道佢哋都辛苦，我知道佢哋好锡我，为我付出好多，我都好感动，所以我嚟紧都会用作品去报答佢哋」。至于代Edan出头的姜涛就指，他尊重每一个音乐单位及每一个音乐作品，「个留言绝对只係就嗰件事去讲」。他指在心中认为临近年尾每个音乐单位、每个音乐人均会为奖项拉票，他亦尊重不同人用不同方法拉票，「但寻日睇到嗰个直播（片段）之后觉得係咪要用呢个方法去争取票数呢？我觉得呢件事係值得讨论嘅」他指身为公众人物，「一言一行其实都好有份量……某程度上大家都係同行，将心比己多啲，因为我哋每个人讲每句说话，都有自己追随者去仿倣，所以我哋讲嘅每一句说话都要思考过」。姜续指「我觉得唔係一句讲笑就可以无事，因为你可以讲笑，但喺某啲人心目中会畀你无意中嘅玩笑伤害咗都唔一定」，「如果我唔回应，我唔知下次会唔会有第二啲嘢会用咁嘅方式去做……喺我心目中就唔认同（此做法）」。其他人也在看
