艺人戴祖仪（Joey）与谢东闵近日在广州开骚，并请来吴业坤及张振朗担任嘉宾，现场反应热烈。Joey完成演唱会后，即时返回深圳继续拍剧，行程紧密，她称今次演唱会对她来说是很大的挑战：「因为我开紧剧，所以要广州同深圳两边走去準备演唱会，所有綵排同宣传都喺广州，又要同剧组夹时间，所以完咗个骚真係舒咗一大口气，好感恩全部都好顺利，观众又好热情，有苦尽甘来嘅感觉。」由于今次是她的处女个唱，所以分外感触，她不讳言：「我由歌手出道咗6年，中间好多人已经唔记得我係歌手，寻晚第一个演唱会，又卖晒飞，有咁多观众嚟支持，成件事好感动，气氛好好，大家嘅尖叫声，好多朋友同粉丝由香港过来支持我，粉丝仲做晒应援同送花，真係好窝心。」Joey指最感动是见到台下所有闪光灯为自己而开，之后看到社交网上的正面评价，令她觉得不枉自己没有放弃歌手这条路：「好开心可以回报到一个演唱会畀我嘅歌迷，多谢佢哋一直嘅支持。」另外，谈到2位嘉宾，Joey称之前跟吴业坤在电视剧《香港人在北京》中合作，两人推出合唱歌《想跟你好好道别我怕来不及》：「呢首歌係我人生最锺意嘅歌之一，好在喺我第一个演唱会上同佢合唱，佢係我前辈又係好朋友，好想佢能够参与。至于振朗，最近开剧有同佢合作，加上谢东闵同佢好老友，大家听到佢唱歌都好惊喜，因为佢唱得好好听。」Joey称演唱会过程大致顺利，不过途中却发生小插曲令她险走光：「因为我出咗好多汗，啲胶纸甩咗，我件衫係就快飞跌，我要用手按住咁唱，唱完要即时冲入后台。」而谢东闵亦即时除去外套为她解围。她又指获两位好闺蜜来撑场，但怎料因人手问题，两人临时变成工作人员：「佢哋要突然担当导演同FM，今次所有嘢无论係服装、Rundown嘅编排、宣传等等，我都要自己落手落脚去做，加上又要拍剧，虽然压力好大，但同时满足感都好大，所以好感恩。」【更多影剧新闻详情请上东网新闻】其他人也在看
