53岁江美仪自爆有玩交友Apps 目的係搵35至40岁嘅精壮男「炮友」?（《娱乐好好玩》截图）现年53岁江美仪自2018年与吴君祥离婚后，一直保持单身状态。喺前晚（5日），佢同吴家乐主持网台节目《娱乐好好玩》，继续大谈圈中热话及大爆秘闻，期间江美仪自爆有玩交友Apps，而目的真係搵35至40岁嘅精壮男「炮友」。前晚嘅《娱乐好好玩》前半内容主要围绕Babyface港男堕相亲骗局后对《东张》女神梁敏巧（Maggie）展开30日嘅求爱计划，之后佢哋就讲到「婚姻介绍所係唔係可以帮到人？」江美仪就分享佢有一位专业人士嘅朋友，早前成功透过交友App觅得另一半，拍拖一年多并準备求婚。见到呢个成功例子后，江美仪就胆粗粗下载交友App试一试。而佢嘅朋友仲分享玩交友App嘅秘诀：「佢仲教我第一次见面千祈唔好食晚饭，有咩事『弹钟』就早啲走，饮杯咖啡咪好啰。」江美仪表示自己细心挑选咗几个有信誉及多成功例子嘅交友App，而佢亦有课金入会，目的係希望可以认识到高质素嘅男士。不过佢亦有讲及玩Apps细节：「我登记咗几个，有啲同我倾过偈、闲聊，我放咗自己张相上去，其中一个交友App以为係假江美仪，仲封咗我，应该有人举报。」之后，佢仲话唔止佢一个俾人封账号，方力申及麦明诗都有试过账号被封。虽然佢胆粗粗玩交友App，不过就暂时未约人出嚟见面，佢都有担心被人知道佢嘅真正身份，所以现时都係只放侧面相片兼使用其他名字。至于江美仪嘅交友对象，碍于佢係公众人物，所以佢初初都尽量选择唔係喺香港，而係搵外国人，甚至内地都有。之后，有好心网民提醒佢好多人经交友App搵「炮友」，点知佢即刻大笑话：「我都係，我冇话过我唔係，我就係想咁咋嘛，你哋以为我做乜，搵真爱呀，哈哈哈！」跟住佢再自爆搵男士嘅年龄要求係35至40岁，吴家乐就问佢係唔係想精壮啲，佢就回答话：「紧係啦大佬，又拍痰呀？」吴家乐再问而家啲后生仔係唔係想驱风，佢就回答话：「我多风，佢帮我驱走一切，佢将我阴霾驱走，迎接我嘅新生命，迎接新嘅前途。」唔少网民都表示支持及期待江美仪嘅好消息，有网民希望佢可以三年抱两嘅同时，亦有网民叫佢注意安全，不过佢就回答话：「放心，我而家好难㗎啦，哈哈哈，好难㗎你明㗎啦，好难会出事㗎啦，我想出事呀，绑住个男人嘛，但而家难呀大佬，好忟边呀而家我。」《娱乐好好玩》截图《娱乐好好玩》截图《娱乐好好玩》截图江美仪江美仪江美仪江美仪按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看
