艺人赖慰玲去年8月在社交网晒身材曲线宣布怀上第二胎，近日她在社交网大晒肚皮，相中以沙滩为背景，她穿上黑色背心型bra top，肚皮已非常巨型，但难得手臂仍然纤幼，而且脸尖尖，认真得天独厚，她以这辑孕照挥别去年，迎接2025年，并大谈身体发生不少变化：「两个人一个身体的日子，每日都有好多变化同挑战，真係关关难过关关过，进入最后阶段，依然觉得好不可思议，真係好期待好期待抱抱你。」好姊妹蔡思贝留言称「好大」，并谓也期待抱抱她及BB，黄翠如与陈凯琳都大讚她靓。另外，赖慰玲与萧正楠主演的无綫剧《奔跑吧！勇敢的女人们》最近播出，剧中讲述两人20年前已经认识，原来现实中，两人真的结缘于20年前，赖慰玲在社交网甫上当年合照，并忆述：「係真係20年前，我细细个有幸同Edwin哥哥一齐演出舞台剧，Edwin哥哥当年做嘅铁郎博士令人印象深刻，仲记得当年演出期间係我会考放榜，好似有科唔合格，我有啲唔开心，Edwin哥哥就请我食咗包薯片，简直係关心后辈嘅典範！」她称相隔20年再次合作，笑言：「见到Edwin哥哥将角色演得如油腻有趣，实在令后辈大开眼界。」有份拍摄《奔》剧的吴若希留言谓：「希望年尾投票有得投《2025万千星辉颁奖典礼最油腻角色奖》」。在最近播出的《奔跑吧！勇敢的女人们》一集中，讲阿萧为凼剧中小三赖慰玲在垃圾房中向对方大送甜品，最抵死的是阿萧从垃圾袋中拿出软雪糕时，竟「神还原」昔日经典广告动作「𠽌𠽌𠽌」，勾起网民集体回忆的同时，还大讚阿萧有气度：「识自嘲，欣赏！」阿萧透露这幕是他的构思，并谓由头到尾都只是希望观众看得开心：「我哋想成件事再荒谬啲，就谂住喺个垃圾袋度摷到好多甜品出嚟，当时我就谂畀雪糕佢时可以玩番个gag（𠽌𠽌𠽌），应该会几好笑，其实我哋一心都係想观众睇完套剧会开心笑。事后都有好多Fans Cap番我呢个广告出嚟畀我，勾起大家嘅回忆都係开心事嚟。」至于赖慰玲亦大讚阿萧劲好笑：「我真係估唔到佢咁好笑，有好多次我望住佢做戏，我笑到停唔到，我要佢拧歪面，但係佢拧歪面我又觉得佢拧得好好笑。结果佢真係停咗喺度问到底点先可以帮到我唔笑。」难得阿萧相隔逾20年再现经典，无綫官方社交网亦隆重其事，除了播出2003年相关广告拍摄的探班花絮，还摷回阿萧2009年在节目中亲自回应为何会以这样的方式拍摄广告：「真係好多人笑我点解要拍呢个广告，好多人话：『都唔知你做乜』，直头畀人话我猥琐。但喺我角度嚟讲，公司收咗客钱，个客想做呢样嘢，因为咁啱个西饼真係要𠽌住咁去食，所以就教大家𠽌𠽌𠽌咁去食件西饼，我自己睇完都觉得好好笑嘅。」【更多影剧新闻详情请上东网新闻】其他人也在看
